PAGTITIIS

Saan man tayo pumaroon
Ang Diablo ay naroroon;
Kaya't tayo'y mangagbantay
Sa tuksong naghihintay.

Anumang kapagsubukan
Ang ating nararanasan;
Nawa'y hindi maging dahilan
Upang bumalik sa kasalanan.

Bagkus ay ating pagka-tiwalaan
Ang Dios na makapangyarihan;
Na kailan ma'y di ka iiwan
Sa oras ng pangangailangan.

Atin lamang paka-ingatan
Ang natamong kaligtasan;
At mamuhay ng may kabanalan
Sa panahong kasalukuyan.

Sapagkat ang Dios ay may habilin
Na lagi nating pakaalalahanin;
"Ang magtiis hanggang sa wakas
Ay siya lamang maliligtas".

Sis. Raquel Ricamara

CYF Philippines